كتاب موسوعة القبائل العربية

البقوم - البقوم في فلسطين ونجد - ج: 7 - ص: 1025

قال الشاعر حريبي الرياحي البقمي - حمه الله -:

يالاد أنا قيست كل الرجاجيل … ووصوفهم مع كل سموا قبيله

واحد يجينا بادي بديت سهيل … مع صلاة الصبح يوضي شعيله

واحد يجينا فارس من أهل الخيل … تأخذ مراكيضه عليهم سحيلة

واحد يجينا ناشئ ببردة الحيل … ما زادنا زوله عسى الله يشيله

وأبكي على ظافر وراء الحول عامين … والعين تهيل بالدموع الغزيره

يا ما ثنى رجله خلاف المثلين … ويمأ تقنع حجته من ذخيره

ولا هو ممن حاس الرماده بعودين … وأجلد وخلا النائبة في فطيره

ويفرح لياجوه المطاليق بادين … ويصرم حطبها لين كل يجيء له

وقالت الحربية:

يا زود يا اللي يوم أحلى صغاره … يشدي لغزلان الوحوش الأفاريد

غدوا بها اللي يكسبون الاماره … يستاهل اللي ربعت للمغاريد

ياليت ابن عماق أخذها قتاره … مالا حقتها خيل حرب الأجاويد (١)

قالت العقيبية:

جاءنا من الطارف سرايا تقاوي … وخيل على أهلها سراويل تومان

الله لا يسقي جوانبك وادي … وادي حما جاله محمد (٢) وقطنان (٣)

من رمح محمد يركبن السنادي … واللي يعديها الزماميل فطنان

من غب كونه والقلائع تقادي … بين العشاش وبين فية رمادان (٤)

قال الشاعر سعد الشويب السمي البقمي - رحمه الله:

يا أهل العلوم مكثرين الحكايا … اللي إذا جن الصمائل يضيعن

حر القرايا يا صحيب الكرايا … ذباحة للحيل حماستن للبن

حنا البقوم اللي نتعب النحايا … أهل شواحيف على الموت يحدن

وايش أنت خابر يوم ردن عرايا … يوم انهن من علط الأرماح يقزن

ولولا مشيحه (٥) جاء بيدها رمايا … إن كان مع عشر القلائع يجزن

---

(١) ابن عماق: هو مصلح بن عماق الدهيمي البقمي.
(٢) محمد: اسمه محمد بن عبد الله الهدلا السمي البقمي، وفرسه "مشيحة".
(٣) قطنان: اسمه قطنان بن خشيبان الدهيمي البقمي.
(٤) رمادان: سوق تُربة.
(٥) مشيحة: فرس مُحمد الهدلا.