كتاب موسوعة القبائل العربية

فصل عن أشعار العوازم - آل عطا -[هوازن] - قصيدة للشاعر سالم بن تويم الدواي العازمي - ج: 5 - ص: 713

صُبح أربع دوج (١) على حروةٍ له … قام ايتلذع مجهدٍ له بالأدوار

لقي العوض في مذبحه بندقٍ له … وباقي خلاجينه (٢) على روس الأشجار

قصيدة للشاعر سالم بن تويم الدوّاي العازمي (٣)

البارحه في الليل عيني سهيره … والقلب من كثر الهواجيس مشطون

واليوم في المشراف (٤) مثل النطيره (٥) … اقفاي واقبالي على الرجم هاللّون (٦)

عدّيت في حيدٍ انصاله كبيرة … أخيل نجع (٧) ثوروا .. وين ينوون؟

اللي نبي قفا جنوب نشيره … واهلي من الجوبه شمال يشدُّون

فكرت لين الشوف غورق نظيره … نوبٍ نميِّزهم ونوبٍ يضيعون

الله يلوم اليوم وراة قصيره … ما تكشف اللي باير البرق (٨) يمشون

حوَّلت منها الحظ يشتم مشيره … متكدرٍ والناس ما عنه يدرون

والعين ما خلت براسي ذخيره … الله يلوم اللي لعيني يلومون

تفوح فوح اللي حدته السعيره … لكن غاليها من الناس مدفون

على عشيرٍ كن لبّه ضميره … برّاق وسم فاض من غيم ومزون

برقٍ ليا شفته هقيت (٩) بغديره … الصبح يامره الوليّ منه يروون

بشوف والا الكف دونه قصيره … مشطرٍ (١٠) روحه عن الشك مصيون

دونه حدوني ذاهبين الحظيره … ثلاث جيراتٍ وراهم يحامون

بصبر عسى في تالي الصبر خيره … الله يبدل عِسر الأيام بالهون

---

(١) دوج: أي بحث.
(٢) خلاجينه: أسمال الثياب.
(٣) نقلًا عن كتاب العوازم ص ١٢٤.
(٤) المشراف: المكان المرتفع أو الجبل.
(٥) النطيرة: الحارث.
(٦) هاللون: هكذا.
(٧) نجع: ركب.
(٨) وآره والبرق: جمع برق - موضع بالكويت.
(٩) هقيت: ظنيت.
(١٠) مشطر: مبعد