كتاب موسوعة القبائل العربية

فصل عن أشعار العوازم - آل عطا -[هوازن] - قصيدة للشاعر مساعد القفيدي العازمي - ج: 5 - ص: 707

قصيدة للشاعر مساعد القفيدي العازمي (١)

وقيلت بمناسبة انتصار قبيلة العوازم في وقعة رِضَى، وقد ألقاها مساعد القفيدي بين يدي الملك الراحل/ عبد العزيز آل سعود - رحمه الله في الأبطح بمكة المكرمة:

يا الله يا اللي ما نبي غيرك مدد … ياللي بك العبد الموحد يستعين

يا رافع الرايات في بر وبلد … إنك تعاونّا على اللي بايرين

جونا على غِرّة وجيناهم هدد (٢) … واللي حضر منا كفى اللي غايبين

يوم ارعد الرعاد وانهل البرد … بانوا مبيّعة العمار الصاملين

في ساعة ما احدٍ يخليها لحد … يكود (٣) ضرب يودع القاسي يلين

ليتك حضرت وشفت يا شيخ البلد … يوم التقينا في شمالي القطين

يوم أن ابن جامع (٤) على الشوبه ورد … سبل .. وسبّلنا عليهم زاهدين

أهل البيارق طرحوهم بالعمد … في شوبة الدخان قدم الهايشين

جتنا جموع كل يوم لها زبد … وحنّا على جدٍّ وبالله نستعين

يالابتي (٥) ما يودع الشايب ولد … أكود فعل قدم وجه الطيبين

يا لعن أبو عند المعقل (٦) من شرد … وش ينبغي بالعمروان سهج (٧) القطين

لوان حلتنا (٨) خذاها من جرد … ما هيب معنا من عصور الأولين

حضايةٍ للسوء لين انه برد … لين الطريح يضيح .. والطيب يبين

هذا لهم منا وقافيهم بعد … دولة هل العوجا (٩) كعّام العايلين

---

(١) القصيدة من كتاب العوازم ص ١٤٢.
(٢) هدد: أي متفرقين.
(٣) يكون: أي إلا.
(٤) ابن جامع: أمير العوازم
(٥) لابتي: أي ياقومي.
(٦) المعقل: الميدان الذي عقلت فيه الإبل للحرب.
(٧) سهج: أي استبيح.
(٨) حلتنا: بيوتنا وأثاثها.
(٩) هل العوجا: اعتزاء أهل العارض بنجد.