كتاب كتائب أعلام الأخيار من فقهاء مذهب النعمان المختار

الكتيبة الثانية والعشرون - [٨٠٣ - أبو السعود العمادي] - ج: 4 - ص: 471

اويله اولسه قوولمز صحتنده تصحيحي صحيح مسائل مذكورة بوكا برهانت صريح اولوبدر وقول نبوي وحديث مصطفوي كه عصيا نله معذور اولمغه علت قضاء الله حجت إيدنك بابنده واردر مشتهردر بودعوايه سند قوي وبينه معنوي درديسه أنك إنسان مجبور عصيانله معذور ديو قضا وقدري حججت ايدغك بابنده وجوه ثلاثة إيله احتجاج صحيح اولوب أول اعتقاد داليله حالي أونده ترك اولنمه سي جائز اولورمي يوخسه صحيح اولميوب أول اعتقاد دن رجوع ايله أمر اولنورمي وصحيح اولمه ديكي تقدير جه مسائل مذكوره دن عامه وحديث رسولدن خاصة جواب نه وجهله اولور؟ بياننده إحسان بيور مكله حق تعالى دنياده دولت وعزت حسنه سي وعقباده رحمت ومغفرت حسنه سي ويروب في الدارين مقضي المراد ومرعي الفؤاد ايليه آمين يا رب العالمين.

الجواب: الله أعلم حالي اوزره أول زيد تركه محال واحتجاجنده صحته مجال احتمالي يوقدر اكر اعتقادي ظاهر مقالاتندن لايح اولان أول زيد إنسان أفعالنده بالكلية مجبور ومعذور اولوب حسناتنه ثواب وسيأتنه عقاب اولمامق اوزرينه إيسه زنديق محضدر تأخير اولنميوب قتل اولنمق لازمدر اكر حسنات ثوابه مفضي وسيآت عذابه مؤدى إيتدوكنه معتقد اولوب أما ايكيسنك داخي انساندن صدوري جبر صرفله در ديوب كندونكبو نشاتده فجوره انتماسي ونشأتي آخرتده عقابه ابتلاسي محضًا تقدير بي تفسيره حواله قيلوب تأسف وتهلق اوزرينه عجز صرف ايله حكم قضاء مبرم استسلام إظهار ايدرسه أول اعتقاد باطلدن رجوعه أمر أكيد وخطوات شيطانه اتباعدن زجر شديد اولنوب حاطب ليل كي على العميا شوندن بوندن آلوب أصلني فصلني بيلميدكي أقاويل مزيفه نك خبط وخللي وكندينك أباطيل مزخرفه سنده كي خطا وخلل إظهار اولنوب حقيقت حق مبينه وطريق دين متينه إرشاد وتوجيه اولنمق لازمدر.