كتاب كتائب أعلام الأخيار من فقهاء مذهب النعمان المختار

الكتيبة الثانية والعشرون - [٨٠٣ - أبو السعود العمادي] - ج: 4 - ص: 472

شمديه دكين كندندن صادر اولان قبائحك صدورنه علم إلهي متعلق اولدغي مسلّم أما عبرت عواقب أموره در حضرت رسول الله ﷺ: "إن أحدكم ليعمل بعمل أهل النار حتى ما يكون بينه وبينها غير ذراع فيسبق عليه الكتاب فيختم له بعمل أهل الجنة فيدخلها" (١)، بيورمش إيكن من بعد دخي بوحال اوزره مستمر اولوب عمري بونكله ختم اولاجاكَينه علم رباني متعلق إيتديكين نه دن بيلوركه كندوسنى آخر عمرنه دكن فسق وفجوره وسيآت و شروره مضطر ومجبور صانوب صلاح حالدن يأس وقنوط اوزرينه اولا مكابره ايدرإايكن آخر عمره لرنده مهتدي اولورلر.

كندو حقنده بو احتماله نيجون وجود ويروب وارد اولمه يان كفره حياتده إيكن هيج برينك كفر علم الله إيديشنه متعلق اولدغنه بزم خبريمزي قدر على الخصوص حقنده نص كريم وارد اولانلر كفر إيدي اوزرنه ورود نصله در وأنلره إيمان تكليف اولنمق تكليف ما لا يطاق قبيلندندر ديوكتبده تحرير اولنان كلام مزيف ومردود سوزدر محلنده رد وتزييف اولنوب تحقيق حق إيتمشلر دركه علم معلومه تابع وخبر مخبريه حسبنجه واقعدر نقاش صورت فرسي هيكل خاص اوزره تصوير إيتدكي فرس حد ذاتنده اويله اولدوغيحون در نه آكه فرس نقشنده اويله اولدغي نقاشي اويله رسم إيتدوكي إيجون اولا حضرت حق وعلا بعض أشخاصك أبدى إيمانه كلميجكلريني بلدردوكي وقرآن كريمده اول وجهله خبر ويردوكي أنلر حد ذاتلرنده اختيارلري إيله كفر مستمر اوزرينه نيت جازمه وعزيمت صارمه إيدوب أصلًا اختيارلريني إيمان جانبنه صرف ايتمك قاتلرنده جائز اولمدوغي إيجوندر نه آكه انلارك بوحيثيتدن اولمالري حق تعالى حضرتلرينك علمي وخبري بويله اولدوغي إيجون جبر إيله واضطرار إيله او لا أكر تعلق علم إلهي معلومك وجوبني اتقضاء إيده

---

(١) أخرجه البُخاري في كتاب القدر، ١.