كتاب كتائب أعلام الأخيار من فقهاء مذهب النعمان المختار

الكتيبة الثانية والعشرون - [٨٠٣ - أبو السعود العمادي] - ج: 4 - ص: 475

"لا نبيّ بعدي" حديث شريفي أول أصل دعوى ايدن كمسنه تكذيب إيدر ديوجواب ويريحك زيد مزبور مقابله ده نبي نك هرسوزي كرجكميدر؟ ديومرقوم خطاب آتيه زيد مسطور تقرير اولنان كلام مقتضاسي اوزره العياذ بالله سب نبي مي إيتمش اولر، وياخود كفرمي لازم اولور، وسب نبي اولدغي تقدير جه موجب شرعيسى نه در، بو مقوله كلام تأويل اولنمغه قابلميدر؟

الجواب: الله أعلم بالصواب حديث شريفك مضموني نص قاطع ايله ثابت وإجماع إيله مؤيد إيكن آني استفهام إنكاري ايله رد إيتدركي ايله كفر لازم كلد كندن غيري عرض نبوته شين شنيع وير مكله سب ايلمش اولور، كفر اول عن اعتقاد دكل ايسه تجديد إيمان ايله قتلدن خلاص اولور، أكر عن اعتقاد إيسه زنديق اولور، توبه سي قبول اولمز، بالاتفاق قتل اولنور سبنك موجبي بالاتفاق قتل مباح اولمقدر؛ أما إسلامه كلجك إمام أعظم قاتنده قتلدرن خلاص اولور؛ أما إمام شافعي وإمام مالك وإمام أحمد بن حنبل وعظمًا علمًا ديندن جمع كثير قاتنده أصلًا إسلام وتوبه سي قبول اولمايوب حدًا قتل اولنمق لازمدر، أكابر سلفدن وخلفدن بو رأي اوزرينه جوق كمسنه اتفاق إيتمكن ايكي جانبك رأيلري رعايت اولنمق ايجون سنه أربع وأربعين وتسعمئة تاريخنده قضاة ممالك محمية مأمورًا اولمشلردر، كه بو مقوله كلام خبيث صادر اولان كمسنه دن صلاح حال وحسن إسلام وصحت توبه فهم اولنور ايسه إسلام وتوبه سني قبول ايدوب تعزير وحبس ايله اكتفاء ايدوب إمام أعظم قولي ايله عمل إيده لر.

اكر خير فهم اولنور كمسنه دكل ايسه سائر أئمة رأيلي اوزره عمل إيدوب توبه وإسلامنه اعتماد إيتميوب حدًا قتل ايليه لر، بو أمره نسخ طاري اولمشدر ديوسنه خمس وخمسين وخمسمئة محرمنده تذكره ايله إذن عاليّئ سلطانيه به عرض اولنوب