كتاب كتائب أعلام الأخيار من فقهاء مذهب النعمان المختار

الكتيبة الثانية والعشرون - [٨٠٣ - أبو السعود العمادي] - ج: 4 - ص: 474

شؤون إلهية در قدم راسخي اولوب تفاصيل أحكام شرائعه وكيفيات أفعال مكلفينه وقوف تاملري وار ايكن نه ممكندر كه حضرت موسى آدمك عملي كنديدن استقلال ايله صادر اولدى صانوب لوم ايليه وحضرت آدم دخى كندينك اصلًا دخلى اولمه دن جبر محض ايله صادر اولدي بن معذور مطلقن ديو جواب ويره حاشا وكلا بلكه حضرت موسى ﵇ كلا من معتادي اوزرينه دار تكليفده جاري اولان قياس تشريفنك ظاهرينه بناء إيدوب حق تعالى حضرتي خلق وابداعنده بونجه اعتبار إيدوب اسجاد ملائكه وإسكان جنتله بو مقدار تشريف ايتمش ايكن استعمال اختيار جزئيده نيجون تمام اعتناء واهتمام ايتمدك وامتثال أمرده نيجون كمال تحفظ وتيقظ ايتميوب نسيان عهد إيتدك ديو سوق ايدوب حضرت آدم ﵇ دخى إنساني فعل اختياري سي اوزرينه لوم تشنيع اتمك أول فعلك آندن اختياريله صادر اولاجاغنه علم رباني متعلق اولدغندن غافل اولانه لا يقدر تعاجيب أسرار قضاء وقدره واقف اولانه لايق دكلدر سني حق تعالى رسالتي وكلامي ايله اصطفا ايدوب جميع أشيانك تفاصيلني محيط ألواح ويرمش ايكن وبر عمل كه بن أني اختيار مله ايده جك بنم خلقمدن قرق ييل اولدن اوزريمه مكتوب ايدكن من الواحدة كورمش إيكن واول عمله رتب اولا جق آثار حكمتي بلمش ايكن بنى اول عمر اوزرنه لوم مي ايدرسن ديو جواب ويرمشدر والله أعلم بحقائق الأمور له الخلق والأمر وإليه النشور، كتبه أبو السعود الحقير عفى عنه.

ومن واقعات الفتوى أيضًا في زمانه: زيد بر مجلس ده كرامت ايله معجزه نك فرقي ندر؟ ديو بكره سؤال ايدوب بكر داخي نبوته مقارن اولور إيسه معجزه؛ وإلّا كرامتدر ديو جواب ويردكره زيد مزبور سنك كلامك مقتضاسي اوزرنه دعواي نبوت ايدن ولي اولمق لازم كلور ديو زيد مزبور سؤال ايتدكره بكر مرقوم داخي