كتاب كتائب أعلام الأخيار من فقهاء مذهب النعمان المختار

الكتيبة الثانية والعشرون - [٨٠٣ - أبو السعود العمادي] - ج: 4 - ص: 467

اولمه يان جمهور سلاطين فخام سائر طوائف انامدن اقامت وظائف خذمت وأداء مراسم طاعته أحق وأولى وأجدر وأحرى لردر اكر عبادات بدنية در واكر عبادات مالية در جملة سنيك اداسي جميع أفراد مكلفينه أمر لازم وحكم متحتم در سلك ملك شريفكوزده منتظم اولان أصناف أموالك هر برندن زكات فرضدر، أما سلك ملك شريف كوزده اولمه يوب عامة مسلمينك حقوقي اولان أموال كه قبضه تصرف سلاطينده اولوب إيراد وصرف أنلرك آراء صائبه لرينه منوط در أصناف أربعة در هر برنيك بيت مفردي واردر جمليه بيت المال إطلاق اولنور بري بيت خمس وزكات عشر در بري أواني بيت خراج رؤس در، وأراضينيك خراج موظفي وخراج مقاسمه سي وكفارك تاجرلرندن الثاني داخي بوبيتده اولو بر ميتدركه وارث اولميان تركات موتي بيت المال وضع اولنور بري داخي بيت لقطاتدر بو بيوت أربعة أموال سلاطينك مملوكالري ده كولدر هربرينك مصادف مخصوصه سي واردير، ولو يرينه صرف ايلمدكن سلاطينه نسنه لازم اولمز وجوه مزبورة دن غيري جهاتدن سلاطينه طريق شرعي ايله متوجه اولان أموال ملكلريدر زكات ضم لازمدر، كتاب كريمده مندرج اولان مملحه محصولي كه استخراج اولنان ملحك بها سدر مملوكدر طريق استخراجده وتحصيلده عنف سلطنت تفاريق بهالنك ملكيتنه خلل ويرمز وضربخانه محصولي معادندن حاصل اولوب خمس اولميوب بعض مملوك كارخانه لر كراسي اولاجق أول داخي مملوكدر ساليانه سلطانيه ملكيتنده وجوه اشتباه يوقدر بو مادّه لرده ونظائرنده وجوب زكات تردد واشتباهنه مجال يوقدر سلاطينه زكات اولمامق أموال سلطنة كوره در محيط دن نقل ايدن أهل علمك كلامي بوكا محمول اوليجق صحيح اولور أموال مملوكه لرنده عدم وجوب نه محيط برهانيده نه محيط سرخسي ده اولمق دخي محتمل دكولدر أصول شرائعده مصرّ حدر.